ലിമാനദിക്കരയിലെ പട്ടണങ്ങള്
Publicada por
kadavanoor
on 09/04/10
Etiquetas:
അനുഭവങ്ങള്,
യാത്രാവിവരണം
ലിമാ നദിക്കരയിലൂടെ യാത്രപുറപ്പെടും മുമ്പ് നദിയെക്കുറിച്ചും നദിക്കരയിലെ പട്ടണങ്ങളെക്കുറിച്ചും ഒര വിവരണം കുറിച്ചിടാന് ഡോക്ടര് ആവശ്യപ്പെട്ടിരന്നു.തേറസ് ദ് ബോറോയിലെ യാത്രയ്ക്കു ശേഷം രണ്ടാഴ്ച്ചയോളം ഞങ്ങള് കണ്ടുമുട്ടിയിരന്നില്ല.ബ്രാഗയിലെ ടൂറിസിം ഇന്ഫര്മേഷന് കേന്ദ്രത്തില് നിന്നു ലഭിച്ച വിവരങ്ങള് ആവേശം നല്കുന്നതായരന്നു.
പോര്ച്ചുഗല്ലിലെ മറ്റെല്ലാ നദികളേയും പോലെ ലിമാനദിയുടെ ഉത്ഭവം സ്പെയിനിലെ ഗലീസയില് നിന്നാണ്. സ്പെയിനിലൂടെ 41 കിലോമീറ്റര് ദൂരം സഞ്ചരിച്ച നദി ലിന്േ്റാസോയിലടെ പോര്ച്ചുഗല്ലിലെത്തും.തടര്ന്ന് പോര്ച്ചുഗല്ലിലൂടെ 108 കിലോമീറ്റര് ദൂരം സഞ്ചരിച്ച് അറ്റലാന്്റിക് സമുദ്രവുമായി സന്ധിക്കും.
ലിന്േ്റാസോ പോര്ച്ചുഗല്ലിലെ പ്രധാന ഡാമുകളില് ഒന്നാണ്.പോന്ത് ദ് ബാര്ക്ക , പോന്ത് ദ് ലീമാ എന്നീ രണ്ടു പട്ടണങ്ങളാണ് നദിക്കരയിലുള്ളത്.റോമന് കാലഘട്ടത്തില് തന്നെ പ്രസിദ്ധമായ നദിയെ ലേത്തസ് എന്നാണ് ഗ്രീക്ക് പണ്ഡിതന് ഇസ്ത്രാബോ വിളിച്ചിരുന്നത്.മറവിയുടെ നദിയെന്നാണ് ലീമാ നദിയെ റോമാക്കാര് വിളിച്ചിരുന്നത്.ലീമാ നദിയെക്കുറിച്ച് ഐതിഹ്യങ്ങളം നിലവിലുണ്ട്. 138 ബിസിയില് റോമന് ജനറല് ഡേസിമോസ് ജസിയസ് ബ്രൂട്ടസ് നദി മറിച്ചു കടക്കാന് ഭയപ്പെട്ടിരുന്നതായും നദി മറിച്ചു കടന്നാല് ഓര്മ്മ നഷ്ടപ്പെടുമെന്നു കരുതി സഹയോദ്ധാക്കളെ എപ്പോഴും പേരെടുത്ത് വിളിച്ച് അഭിസംബോധന നടത്തിയതായും ചരിത്രത്തില് പറയുന്നുണ്ട്.
ചരിത്രവും ഇതഹാസങ്ങളും ഇങ്ങനെയെന്നിരിക്കേ ഞാന് ഒരു എസ്.എം.എസ് ഡോക്ടര്ക്കയച്ചു. നാളെ പോന്ത് ലീമാ!!!
(തുടരും)
0 comentários:
Enviar um comentário